Sansyzbaı Qurbanuly «Nur Astana» jamaǵatymen júzdesti (FOTO)

Qazaqstan musylmandary dinı basqarmasynyń Sharıǵat jáne pátýa bóliminiń meńgerýshisi Sansyzbaı Qurbanuly «Nur Astana» meshitinde taraýyq namazyna qatysyp, jurtshylyqqa ýaǵyz aıtty, dep habarlaıdy ummet.kz saıty.

«Nur Astana» meshitinde jyldaǵy úrdis boıynsha elimizge tanymal ustazdar men bilikti ıslamtanýshy ǵalymdar kezek-kezek taraýyq namazyn, taqyryptyq ýaǵyzdar aıtýda. Osy shara aıasynda tanymal ıslamtanýshy ǵalym, QMDB-nyń Sharıǵat jáne pátýa bóliminiń meńgerýshisi Sansyzbaı qajy Qurbanuly «Nur Astana» meshitine kelip, jamaǵatpen júzdesti.

Kezdesý barysynda taraýyq namazynda oqylatyn «Múmınýn», «Nur» súreleriniń qysqasha tápsiri jaıynda toqtalyp, «Musylmandardyń sıpaty» jaıynda ýaǵyz aıtty. Sonymen birge, S. Qurbanuly búgingi zaıyrly qoǵamdaǵy musylmannyń sıpaty jaıynda oılarymen bólisti.