«Salaýatty ómir salty» Estafetalyq saıysy ótti (FOTO+VIDEO)

Qazaqstan musylmandary dinı basqarmasynyń Áıelder-qyzdar sektoryna qarasty  «Inabat» qyz-kelinshekter klýbynyń uıymdastyrýymen elordalyq áıel jamaǵatyna «Salaýatty ómir salty» taqyrybynda Estafetalyq saıys ótti.

Tartysty saıysqa Elordamyzdyń 7 meshitinen kelgen komandalar qatysty. Atap aıtsaq, «Áziret Sultan» meshitinen «Inabat» toby, «Nur Astana» meshitinen «Jibek» toby, «Sádýaqas qajy Ǵylmanı» meshitinen «Rıdýan» toby, «Rahymqyzy Raısa ana» meshitinen «Fırdaýs» toby, «Aqmeshit» meshitinen «ál-Ihlas» toby, «Yryskeldi qajy» meshitinen «Shamshyraq» toby, «Sheıh Kýnta qajy» meshitinen «Saıda» toby óner kórsetti.

Qazylar alqasynyń quramynda QMDB Áıel-qyzdar sektorynyń meńgerýshisi Aqbópe Qanatqyzy, qol kúresiniń halyqaralyq dárejedegi sport sheberi Qarlyǵash Baıanbaıqyzy jáne №74 mektep muǵalimi Aqtolqyn Ǵalymqyzy boldy. №74 mekteptiń dene shynyqtyrý páni muǵalimi Bımaqanova Gúldana  qatysýshylarǵa saıys erejelerin túsindirip, júrgizip otyrdy.

Jeti basqyshtan turatyn baıraqty básekede qatysýshylar jyldamdyqqa júgirý, doppen sekirý, Estafeta taıaqshasyn alyp júgirý, kedergiler arasymen júgirý, qappen sekirý, kedergiler arasymen doppen júgirý, arqan tartys sekildi sharttardy oryndady.

Saıys sońynda qatysýshylar baǵaly syılyqtarmen marapattaldy. Bas júldeni «Rahymqyzy Raısa ana» meshitinen kelgen «Fırdaýs» toby jeńip alsa, «Nur Astana» meshitiniń «Jibek» toby II oryndy ıelendi. Al, «Sádýaqas qajy Ǵylmanı» meshitiniń «Rıdýan» toby III oryndy qanjyǵasyna baılady. Qalǵan qatysýshy komandalar yntalandyrý syılyqtarymen marapattaldy.

Sýretterdi «FOTOGALEREIa» aıdarynan kóre alasyzdar!