«SÁDÝAQAS QAJY ǴYLMANI» MEShITINDE MÁÝLIT OQYLYP, SPORTTYQ SAIYS ÓTTI (FOTO)

Qazaqstan musylmandary dinı basqarmasy Astana qalasy ókildigine qarasty «Sadýaqas qajy ǵylmanı» meshitinde Máýlit oqyldy.

Súıikti Paıǵambarymyz (s.ǵ.s) týylǵan Rabıǵýl áýýál aıynyń qurmetine oraı ótip jatqan Máýlitte qulshylyq úıiniń bas ımamy Rýslan Baızaqov jınalǵan jamaǵatqa Paıǵambarymyzǵa (s.ǵ.s) degen súıispenshilik, Alla Elshisin (s.ǵ.s) shynaıy jaqsy kórýdiń mańyzdylyǵyn túsindirdi.  Artynsha Máýlit oqylyp, Paıǵambarymyzǵa (s.ǵ.s) sálem-salaýattar joldandy.

Aıtýly merekege aıryqsha daıyndalǵan meshit qyzmetkerleri Máýlitten soń jamaǵatqa arnap ulttyq sport túrlerinen saıys ótkizdi. Qala jurtshylyǵy atalmysh saıysqa belsendi túrde qatysyp, bar ónerlerin ortaǵa saldy. Top jaryp shyqqan jarys jeńimpazdary men men qatysýshylarǵa syı-sııapattar berilip, jamaǵat ystyq as úlestirildi.

Источник: Aidos