«Sádýaqas qajy Ǵylmanı» meshitinde donorlyq aktsııasy ótedi

15 qańtar, sársenbi kúni «Sádýaqas qajy Ǵylmanı» meshiti qan tapsyrý (donorlyq) boıynsha qaıyrymdylyq sharasyn ótedi, dep habarlaıdy sunna.kz  tilshisi. 

Qan tapsyrýshyǵa nıet bildirgen azamattardyń atalǵan kúni «Sádýaqas qajy Ǵylmanı» meshitine kelip, atalǵan sharaǵa qatysýyna bolady. Elimizde donorlardyń tapshylyǵynan kópshilik adamdar qıyn jaǵdaılarǵa tap bolýda. Muqtaj jannyń qaıǵy-muńyna beı-jaı qaramaıtyn baýyrlarymyz «Sádýaqas qajy Ǵylmanı» meshiti janyna arnaıy kelgen Qan ortalyǵy mamandaryna qan tapsyra alady.

Qan tapsyrshy aldyn ala mynadaı talaptardy saqtaýy tıis:

• 18 jasqa tolǵan bolý;
• Jeke kýáligimen kelý;
• 72 saǵat ishinde quramynda aspırın jáne basqa da analgetık bar dári-dármek qabyldamaǵan bolý;
• 48 saǵat ishinde alkogoldi ishimdik qabyldamaǵan bolý;
• 24 saǵat ishinde maıly, ashy hám surlengen, sútten jasalǵan taǵamdar men jumyrtqa qabyldamaǵan bolý;
• Tańerteń jeńil tańǵy as (sýǵa pisken botqa, tátti shaı, qurǵaq pechene) ishken bolý;
• 2 saǵat ishinde temeki shekpegen bolý;
• 5-10 mınýt aldyn tátti shaı (meshitte uıymdastyrylady) ishýi kerek.

Qaıyrymdylyq sharasyna qatysqan azamattar qan tapsyryp bolǵan soń tómendegi isterge kóńil bólýi kerek:

• 5-10 mınýt demalý (bas aınalǵan jaǵdaıda dárigerlerge aıtyńyz);
• 2 saǵat temeki shekpeý;
• 3-4 saǵat tańǵyshty sýlamaý jáne sheshpeý;
• 24 saǵat aýyr jumys istemeý, alkogoldi ishimdik qabyldamaý;
• 48 saǵat jıi tamaqtanyp, kóbirek sý ishý;
• 14 kún ekpe (prıvıvka) saldyrmaý;
• 2-3 aıdan keıin qaıta qan tapsyrýǵa bolady.

Ýaqyty: 09:00 – 13:00 aralyǵynda.

Ótetin orny: «Sádýaqas qajy Ǵylmanı» meshiti.