«SÁDÝAQAS QAJY ǴYLMANI» MEShITINDE ÁIEL JAMAǴATYNA ARNALǴAN MÁÝLIT KEShI ÓTTI (FOTO)

«Sádýaqas qajy Ǵylmanı» meshitinde Astana qalasy «Áıel-qyzdar» sektoryna qarasty «Analar mektebiniń» uıymdastyrýymen «Úmbetine úlgi bolǵan Muhammed (ﷺ)» atty Máýlit keshi ótti.

Rýhanı keshte QMDB «Áıel-qyzdar» sektorynyń meńgerýshisi Nurǵalıeva Dınara Qutqojaqyzy arnaıy qatysyp, meshittiń naıb ımamdary Erjan Nııazov pen Salman qarı Hadyrshaev Máýlit jyryn oqydy.

Igi sharada Paıǵambarymyzdyń (ﷺ) hadısteri aıtylyp, arnaıy qoıylymdyq kórinister kórsetildi. Eki dúnıe sardarynyń ómiri jaıly monolog oqylyp, meshittiń kishkentaı búldirshin shákirtteri salaýat aıtýdan jarysty. Oısalar qyzyqty oıyndar oınatylyp, arnaıy syılyqtar tabystaldy.

Sondaı-aq, «Áziret Sultan» meshitiniń ustazy Gúlnur Mýrzataeva «Alla Elshisine (ﷺ) degen mahabbat» taqyrybynda ýaǵyz-nasıhat aıtyp,  jınalǵan jamaǵattyń aldyna Paıǵambarymyz (ﷺ) jaqsy kórip jegen tamaqtary arnaıy astaýlarmen usynyldy.

Shara sońynda Máýlit aıy bastalǵaly beri jalǵasyp kelgen salaýat jarysynyń nátıjesi jarııalandy. Jalpy 32 shákirt qatysqan saıystyń alǵashqy úsh orynǵa ıe bolǵan jeńimpazyna jáne basqa da qatysýshylarǵa baǵaly syılyqtar tabystaldy.

Источник: Aidos