«RÝHANI KITAP» AILYǴY AIaSYNDA «ÁZIRET SULTAN» MEShITINDE RÝHANI-AǴARTÝShYLYQ JIYN ÓTTI

Astana qalasyndaǵy «Áziret Sultan» meshitinde «Rýhanı kitap» aılyǵy aıasyndaǵy kezekti tanymdyq-rýhanı basqosý uıymdastyryldy. Igi sharaǵa dinı oqý-aǵartý baǵytyna jaýapty maman Mahmud Qasym qatysyp, jamaǵatpen birge mazmundy rýhanı suhbat ótkizdi.

Jıyn barysynda bekitilgen josparǵa sáıkes «Ihsan – rýhanı tárbıe negizi» kitabynyń III taraýy keńinen talqylandy. Qatysýshylar eńbektegi negizgi uǵymdar men rýhanı tárbıege qatysty tujyrymdarǵa toqtalyp, ıhsan iliminiń adam bolmysy men minez-qulqyn qalyptastyrýdaǵy róline erekshe nazar aýdardy.

Kezdesý barysynda jamaǵat tarapynan da belsendilik baıqalyp, qatysýshylar óz oılaryn ortaǵa salyp, taqyryp tóńireginde suraqtar qoıdy. Erkin formattaǵy pikir almasý jıynnyń mazmunyn odan ári tereńdete tústi.

Aıta keteıik, «Rýhanı kitap» aılyǵynyń negizgi maqsaty – qoǵamda kitap oqý mádenıetin damytý, dinı-rýhanı ádebıetterdi nasıhattaý jáne jamaǵat arasynda bilim men tájirıbe almasý dástúrin júıeli túrde qalyptastyrý.