Rýhanı kelisim kúnine oraı respýblıkalyq konferentsııa ótip jatyr (FOTO)

Búgin Elordada «Rýhanı kelisim – birlik pen turaqtylyqtyń kepili» atty respýblıkalyq konferentsııa jumysy bastaldy. 18-qazan – Rýhanı kelisim kúnine oraı uıymdastyrylǵan sharaǵa Aqparat jáne qoǵamdyq damý mınıstri Dáýren Abaev bastaǵan zııaly qaýym ókilderi, Qazaqstan Halqy assambleıasynyń músheleri, túrli qoǵamdyq uıym jetekshileri jáne elimizdegi dinı birlestikter basshylary qatysty. Aıtýly basqosýǵa QMDB tóraǵasynyń birinshi orynbasary, naıb múftı Naýryzbaı qajy Taǵanuly qatysyp, elimizdegi turaqtylyq pen birlik taqyrybynda arnaıy baıandama jasady.

Respýblıkalyq konferentsııa aıasynda kópshilik nazaryna 14 dinı konfessııalardyń qalyptasý tarıhy týraly syr shertetin Eksponattar kórmesi usynyldy. Sharany Nur-Sultan qalasynyń Qoǵamdyq damý isteri basqarmasy Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵymen birlesip uıymdastyrdy.