Respýblıkalyq Quran jarysyna qatysatyn Elorda qarılary anyqtaldy (FOTO+VIDEO)

Búgin el astanasynda qasıetti Quran kárimdi jatqa jáne mánerlep oqýdan IH Respýblıkalyq Quran jarysynyń Nur-Sultan ókildigi boıynsha irikteý saıysy ótti. Aıtýly sharaǵa Nur-Sultan qalasy boıynsha 25-ke jýyq úmitker qatysyp, «Áljan ana» meshitin qasıetti Quran únimen nurlandyrdy. Tórt atalym boıynsha («10 para», «20 para», «30 para» jáne «mánerlep oqý») synǵa túsken jas órender kórermenderdiń rızashylyǵyna bólenip, birinen biri ozǵan bilgirlikterimen qazylar alqasynyń da jumysyn qıyndata tústi.

Degenmen, saıysqa tórelik jasaǵan elimizge belgili Quran bilgirleri Jumanazar Sadyrhanov («Áziret Sultan» meshiti), Nýreddın Abdýsamaduly («Ǵylmanı» meshiti), Qadyrshaev Abdýlbasıt («Ál-Ǵanı» meshiti) syndy qarılar qatysýshylardyń daıyndyǵyn qapysyz tekserip, shyn úzdigin anyqtaýǵa baryn saldy. Ár úmitkerge saıys sharty boıynsha qosymsha suraqtar qoıylyp, qyraǵaty men jattaý qabileti jan-jaqty tekserildi.

Saıys qorytyndysy boıynsha 21 qazan kúni Nur-Sultan qalasynda ótetin IH Respýblıkalyq Quran jarysynda Elorda ókildigi atynan Qosaev Muhammed («10 para»), Erqanat Serikuly («20 para»), Dáýken Qaıyrbaı («30 para»), Erkinbek Musabekter («Mánerlep oqý») qatysatyn bolmaq. Irikteý jarysynyń II jáne III oryn júldegerlerine, barlyq qatysýshylarǵa «Áljan ana» meshitiniń bas ımamy Serikbaı Ádilhannyń uıytqy bolýymen arnaıy syı-sııapat tabystalyp, qasıetti Quranǵa degen ynta-yqylastaryna oraı qurmet kórsetildi. Sondaı-aq, qatysýshylarǵa arnaıy merekelik dastarhan jaıylyp, saýapty saıystyń sońy taǵylymdy otyrysqa ulasty.

Sýretter toptamasyn «FOTOGALEREIa» aıdarynan kóre alasyzdar!