Reseı múftıi Naýryzbaı qajy Taǵanulyna quttyqtaý joldady
Reseı musylmandarynyń basshysy, sheıh Ravıl Gaınýtdın Qazaqstan musylmandary dinı basqarmasynyń kezekten tys IH Quryltaıynda Bas múftı bolyp saılanǵan Naýryzbaı qajy Taǵanulyna quttyqtaý lebizin joldady.
Asa qadirmendi Naýryzbaı qajy Taǵanuly!
Sizdi Reseı federatsııasy musylmandarynyń dinı basqarmasy men Reseı múftıleriniń keńesi atynan jáne óz atymnan Qazaqstan musylmandarynyń Bas múftıi qyzmetine saılanýyńyzben shyn júrekten quttyqtaımyn!
Reseı federatsııasy musylmandarynyń dinı basqarmasy, Reseı múftıleriniń keńesi men Qazaqstan musylmandary dinı basqarmasy arasynda uzaq jyldar boıy san salaly baılanys ornap keledi. Yntymaqtastyq pen baýyrlas baılanys arqasynda kóptegen jobalar men baǵdarlamalar júzege asty.
Qurmetti Naýryzbaı qajy Taǵanuly! Osy jyldar ishinde bizdiń qadirmendi baýyrymyz Serikbaı Qajy Orazdyń birinshi orynbasary retinde kóptegen jumystar atqaryp, kóregendilik pen saýattylyqtyń jarqyn úlgisin tanyttyńyz.
Qazaqstan musylmandarynyń Bas múftıi qyzmetin atqara otyryp, Sizdiń asyl dinimizdiń jolynda shynaıy qulshynys kórsetip, úmmet birligi men gúldenýi jolynda jemisti qyzmet jasaıtynyńyzǵa senimimz mol.
Alla Taǵala sizge qajymas kúsh-jiger syılap, ıgilikti ister men jemisti jumystaryńyzǵa berekesin bergeı!
Sheıh Ravıd Gaınýtdın
Reseı federatsııasy musylmandary dinı basqarmasynyń jáne Reseı múftıleri Keńesiniń tóraǵasy
