Rátbek qajy Nysanbaıuly: Múftııat ǵımaraty jigerlendirip jiberdi (FOTO)

Búgin elordada Qazaqstan musylmandary dinı basqarmasynyń alǵashqy tóraǵasy Rátbek qajy Nysanbaıuly Bas múftı Naýryzbaı qajy Taǵanulymen kezdesti.

Dinı basqarma ǵımaratyn aralaǵan alǵashqy múftı Rátbek qajy Nysanbaıuly: «Qyzmet babymen álemniń 80 elinde boldym. Alaıda mundaı ǵajaıyp ǵımaratty birinshi ret kórip turmyn. Osy ǵımaratty kórip, erekshe shabyt alyp, jigerlenip kettim. Bul – barsha musylmannyń maqtanyshy, din qyzmetkerleriniń abyroıy. Endeshe, el ıgiligi úshin aıanbaı qyzmet ete berý kerek. Bas múftı Naýryzbaı qajy Taǵanuly bastaǵan barsha din qyzmetkerin 30 jyldyq merekemen quttyqtaımyn. Jaratqan Jabbar Iemiz dinimizge qýat, jurtymyzǵa aýyzbirshilik bersin!» degen lebizin jetkizdi.

Naýryzbaı qajy Taǵanuly ardager ustazyna qurmet kórsetip, ıyǵyna qazaqy dástúrmen shapan japty.