RANT múshesi elordada birqatar kezdesýler ótkizdi

QMDB Dinı ońaltý bóliminiń mamany, respýblıkalyq aqparattyq-nasıhat tobynyń múshesi Qaıýpov Islam Maratuly Astana qalasynda meshitter men dinı oqý oryndarynda birqatar kezdesýler ótkizip, jamaǵatqa ýaǵyz-nasıhat aıtty.

Alǵashqy kúni «Ál Ǵanı» meshitinde ótken kezdesýde «Quran jáne súnnet jolymen júrý degen ne?» taqyryby qozǵaldy. Budan keıin Astana medresesiniń shákirtterimen júzdesip, jastardy arbaıtyn jat aǵymdardyń aıla-tásilderi jaıynda túsindirme berildi.

Sonymen qatar «Ál-Fáttah» meshitinde «Bólinýdiń bastaýy – kúmándi senimder» taqyryby qozǵalyp, «Ál-Farabı» meshitinde jamaǵatpen kezdesý ótti. Onda dástúrli din men jat aǵymdardyń aıyrmashylyǵy túsindirildi. Sondaı-aq Hýsamıddın as-Syǵanaqı atyndaǵy ıslam ınstıtýtynda ótken kezdesýde «Hanafı mazhaby jáne Matýrıdı senimi» taqyryby qamtyldy.

«Sádýaqas qajy Ǵylmanı» meshitinde juma ýaǵyzy aıtylyp, jamaǵatqa bekitilgen taqyryp aıasynda nasıhat júrgizildi. Odan keıin «Raısa ana» meshitinde «Jat aǵymdy qalaı tanımyz?» taqyryby qozǵalyp, kezdesýler «Yryskeldi qajy» jáne «Áljan ana» meshitterinde jalǵasty. Bul basqosýlarda jamaǵatqa aqıqat joldy ajyratý jáne dinı bilimdi durys alý máseleleri túsindirildi.

Is-sharalar barysynda dástúrli ıslam qundylyqtaryn ustaný, dinı saýattylyqty arttyrý jáne qoǵamdaǵy birlikti saqtaý jaıy keńinen aıtyldy.