RANT múshesi Astana medrese-kolledjinde dáris oqydy

Astana qalasyndaǵy medresede dinı bilim alyp jatqan shákirttermen kezdesý ótti. Júzdesýge QMDB Dinı ońaltý bóliminiń mamany, respýblıkalyq aqparattyq-nasıhat tobynyń múshesi Qaıýpov Islam Maratuly qatysyp, ýaǵyz-nasıhat aıtty.

Kezdesý barysynda jastardyń dinı saýatyn arttyrý, olardy teris dinı aǵymdardyń yqpalynan saqtaý jáne kúmándi dinı kózqarastardan qorǵaný joldary keńinen túsindirildi. Sondaı-aq jat aǵym ókilderiniń qoldanatyn tásilderi men olardyń belgilerine toqtalyp, mundaı yqpaldarǵa qarsy turý úshin bilimniń mańyzy aıtyldy.

Sonymen qatar shákirtterge dinı ilimdi durys baǵytta alý, senimdi derekkózderge súıený jáne bilikti ustazdan bilim alýdyń qajettigi túsindirildi. Dástúrli ıslam qundylyqtaryn ustaný, ulttyq tanymmen sabaqtastyqty saqtaý jáne birlikke umtylý máseleleri de nazardan tys qalmady.

Júzdesý sońynda shákirtter kókeıdegi suraqtaryn qoıyp, naqty jaýap aldy.