Ramazanǵa oraı onlaın suraq-jaýap uıymdastyryldy (VIDEO)

Ramazan aıynyń qarsańynda QMDB Ǵulama keńesiniń músheleri, elimizge belgili ıslamtanýshy-ǵalymdar men pátýa mamandary tikeleı Efırde kópshiliktiń saýaldaryna jaýap berdi.

«Ramazanǵa daıyndyq» onlaın suraq-jaýap jobasynda QMDB Sharıǵat jáne pátýa bóliminiń meńgerýshisi Sansyzbaı Qurbanuly men onyń orynbasary Hasan Amanqul, Dinı bilim jáne kadr daıarlaý bóliminiń meńgerýshisi Smaıyl Seıtbekov, Ǵulamalar keńesiniń hatshysy Batyrjan Mansurov, sondaı-aq pátýa mamandary Baýyrjan Ábdýáli men Medet Qurmashulyna oqyrmandar tarapynan orazaǵa qatysty suraqtar qoıyldy. Onlaın baǵdarlamany telejýrnalıst Erkin Shákiruly júrgizdi.

Bas-aıaǵy qyryqqa jýyq suraq qoıylsa, olardyń qatarynda jyl saıyn ásirese, birinshi ret oraza ustaǵaly otyrǵan jamaǵattyń «Túkirik jutýǵa bola ma?», «Tis juldyrýǵa bola ma?», «Dáret alyp jatyp sý jutyp qoısa, oraza buzyla ma?» degen syndy suraqtar men zaman aǵymyna qaraı týyndaǵan «Ekpe egý orazany buza ma?», «PTsR-test, analız, qan tapsyrý orazany buza ma?» sekildi saýaldar qoıylyp, din mamandary tushymdy jaýap berdi.

Dinı basqarmanyń YouTube arnasy men @muftiyatkz ınstaparaqshasy jáne belgili bloger, Ekonomıst Dáýlet Tóleýtaıdyń @dauletten jáne @dau_bilim paraqshalary arqyly onlaın ótken Efırdi 25 000-ǵa jýyq kórermen tamashalady.