RAMAZAN AIYNA ORAI TÓRALQA MÁJILISI ÓTTI (FOTO)
Búgin Astanada Bas múftı Naýryzbaı qajy Taǵanulynyń tóraǵalyǵymen qasıetti Ramazan aıyna oraı Qazaqstan musylmandary dinı basqarmasynyń Tóralqa májilisi ótti.
Májiliste Bas múftı: «Ótken jyly QMDB Sharıǵat jáne pátýa bóliminiń mamandary, ıaǵnı ózderińizdiń belsendi jumystaryńyzdyń nátıjesinde elimiz boıynsha 186 154 suraqqa jaýap berildi. Bul – úlken kórsetkish dep atar edim. Sharıǵat jáne pátýa bóliminiń usynysymen Ǵulamalar keńesi osyǵan deıin qoǵamdyq mańyzy bar dinı máseleler boıynsha 150 pátýa qabyldady. Pátýa berý múftııattyń basty jumys baǵyttarynyń biri bolǵandyqtan, osy saladaǵy qyzmetimizdi únemi jetildirip otyrýymyz kerek. Ramazan aıy jaqyndap keledi. Biz de óz tarapymyzdan belsendilik tanytyp, suraqtarǵa der kezinde jaýap berýimiz kerek», – dedi.
Jınalys barysynda bólim meńgerýshileri ózderiniń jumys baǵyttary boıynsha Ramazan aıynda atqarylatyn is-sharalar josparyn bólisti. QMDB Apparat basshysy Ǵylymbek Májıev qasıetti aıda júzege asatyn basty jumys baǵyttary jaıly Tóralqa múshelerin habardar etti. Jıyn sońynda Bas múftı QMDB qyzmetkerleri men oblys bas ımamdaryna naqty tapsyrmalar berdi.
