«Rabbyń úshin qurban shal!» aktsııasyna shaqyramyz!
Isi musylman qaýymynyń qasıetti merekesi – Qurban aıt qarsańynda Elorda ókildiginiń uıymdastyrýymen «Rabbyń úshin qurban shal!» aktsııasy óz jumysyn bastady. Birneshe jyl qatarynan dástúrli túrde ótkizilip kele jatqan aktsııa aıasynda Elorda jamaǵatynan jıylǵan qurbandyq maldary arnaıy mal bazarlarynda soıylyp, eti Nur-Sultan qalasyndaǵy muqtaj otbasylarǵa taratylatyn bolmaq.
Alla Taǵala Quran Kárimniń «Káýsar» súresiniń 3-aıatynda «Namaz oqy jáne qurban shal» dep ámir etip, qurbandyq shalýdyń ýájiptigin bildiredi. Al, ardaqty Paıǵambarymyz (s.ǵ.s.) «Adam balasy qurban aıt kúninde (qurban shalyp) qan aǵyzýdan da súıikti basqa ispen Alla Taǵalaǵa jaqyndaǵan emes. Qany aǵyzylǵan mal qııamet kúni múıizderi, tuıaqtary jáne júnderimen keledi. Aǵyzylǵan qan jerge tambaı jatyp, Alla Taǵalanyń quzyrynda úlken maqamǵa jetedi. Sondyqtan qurbandaryńdy kóńil rızashylyǵymen shalyńdar», - degen eken.
Qurbandyq shalý belgili bir adamǵa ýájip bolǵandyǵy úshin myna sharttar oryndalýy tıis:
- Musylman bolý;
- Qurban aıt ýaqytynda jolaýshy bolmaý;
- Negizgi qajetterden tys nısap mólsherindegi qarjyǵa ıe bolý;
- Nısap mólsheri - 85 gramm altyn, ıakı qunyna teń keletin aqsha;
- Bas bostandyǵy bolýy;
- Balıǵatqa jetken bolýy men aqyl – esi durys bolýy.
Sonymen qatar, qurbandyqqa shalynatyn maldarǵa kelsek, qoı ıaǵnı, bir jasqa, súıegi iri bolsa alty aılyq, al eshki bir jasqa tolýy tıis. Sıyr, qodas eki jasqa, al túıe bes jasqa tolýy qajet.
Qurban shalý da – Alla Taǵalanyń buıryǵy, sol sebepti buıryqty shyn yqylaspen oryndaýshy Rabbysynyń razylyǵyn alyp, aqyrette júzi jarqyn bolyp, mol saýapqa ıelenedi. Sonymen qatar, qurbandyq shalýdyń saýaby jaıynda ilimniń kilti bolǵan Álı (r.a) bylaı degen: «Kimde-kim úıinnen qurbandyq shalý nıetimen bir malyn alyp shyǵatyn bolsa, árbir attaǵan adymy úshin oǵan on saýap jazylar, on kúnási óshirilip, jáne (Alla aldynda dárejesi) on dáreje joǵarylaıdy».
«Rabbyń úshin qurban shal!» aktsııasyna qatysty barlyq málimetti Elorda meshitterinen bilýge bolady.
