Qyzylorda: Jalaǵashta jańa meshit ashyldy

Qyzylorda oblysy, Jalaǵash aýdany, M.Shamenov atyndaǵy aýylda jańa qulshylyq úıi ashyldy.

Meshittiń ashylý saltanatynda QMDB-nyń Qyzylorda oblysy boıynsha ókili Bolatbek Ulasqanuly, oblystyq máslıxat xatshysy Naýryzbaı Baıqadamov, aýdandyq ardagerler keńesiniń tóraǵasy Sadyq Álıev, Ómirbek Shámenov sóz alyp, xalqymyzdy ımandylyqqa tárbıeleýde meshittiń alar orny erekshe ekendigin atap ótti.

Jıylǵan halyq 70 adamǵa shaqtalǵan jańa meshit ishinde jamaǵat bolyp namazyn oqyǵan soń, oblystyq «Aqmeshit-syrdarııa» ortalyq meshitiniń ustazy, qarı M.Abjalelov Quran oqyp, ókil ımam elimiz, dinimiz úshin duǵa tilep, Allaǵa shúkirshilik etti.

Kásipker azamattardyń demeýshiligimen salynǵan meshitke elimizdiń aýylsharýashylyǵyn damytýǵa súbeli úles qosqan jandardyń biri – soǵys jáne eńbek ardageri, aýylsharýashylyq salasynyń kórnekti uıymdastyrýshysy Móráli Shámenovtiń esimi berildi.