QYZYLORDA OBLYSYNA JAŃA BAS IMAM TAǴAIYNDALDY (FOTO)

Búgin QMDB Tóraǵasy, Bas múftı Naýryzbaı qajy Taǵanulynyń buıryǵymen Qyzylorda oblysynyń bas ımamy bolyp Dastan Qurmanbaev taǵaıyndaldy. Ol buǵan deıin Almaty qalasy «Orbıta-3» meshitiniń ımamy qyzmetin atqardy.

Jańadan taǵaıyndalǵan bas ımamdy Syr jurtshylyǵyna QMDB Dinı bilim jáne kadr daıarlaý bóliminiń meńgerýshisi Smaıyl Seıtbekov tanystyrdy. Dinı basqarma ókili oblystyq «Aqmeshti-Syrdarııa» ortalyq meshitinde «Ashý – dushpan, aqyl – dos» taqyrybynda juma ýaǵyzyn aıtyp, jamaǵatqa Bas múftı Naýryzbaı qajy Taǵanulynyń buıryǵyn oqyp berdi. Jańadan taǵaıyndalǵan bas ımamnyń aldaǵy qyzmetine sáttilik pen bereke tiledi. Dastan Janasuly – Nur-Múbarak ýnıversıtetiniń túlegi, Qyzylorda oblysynda kóp jyldan beri qyzmet etip kele jatqan ımam.

Budan keıin Smaıyl Súıerqululy Qyzylorda óńirinde bes jyl bas ımam qyzmetin atqarǵan Bolatbek Ulasqanulynyń ıyǵyna shapan jaýyp, dinge, elge etken eńbegi úshin alǵys bildirdi.