QYRǴYZSTAN MUSYLMANDARY DINI BASQARMASYNYŃ «HALAL» BÓLIMI ÓKILDERI QAZAQSTANǴA ISSAPARMEN KELDI

Búgin Qyrǵyzstan musylmandary dinı basqarmasynyń «Halal» bóliminiń mamandary Qazaqstan musylmandary dinı basqarmasyna arnaıy keldi.

Issapar aıasynda delegatsııa músheleri eń aldymen Qazaqstan musylmandary dinı basqarmasy tóraǵasynyń orynbasary, naıb múftı Kenjetaı Baıkemelulymen kezdesti.

Júzdesý barysynda QMDB tóraǵasynyń orynbasary delegatsııa múshelerine QMDB tóraǵasy, Bas múftı Naýryzbaı qajy Taǵanulynyń ystyq sálemin jetkizdi. Óz kezeginde Qyrǵyzstan musylmandary dinı basqarmasynyń «Halal» bóliminiń jetekshisi Maqsat Atabaev ta Qyrǵyzstan musylmandary dinı basqarmasy bas múftıiniń izgi tilegi men sálemdemesin jetkizdi.

Kezdesý sońynda qonaqtarǵa qurmet kórsetilip, ózara syılastyq pen baýyrlastyq qarym-qatynas aıqyn kórinis tapty.

​