Quran jarysy: Jumys toby Túrkistanǵa keldi (FOTO)

Qazan aıynda ótetin Quran Kárimdi jatqa jáne mánerlep oqýdan H respýblıkalyq jarysqa oraı Bas múftı tapsyrmasymen QMDB-da qurylǵan arnaıy jumys toby Túrkistan qalasyna keldi.

Ýaǵyz-nasıhat bóliminiń meńgerýshisi Batyrjan Mansurovtyń jetekshiligimen Túrkistan oblystyq meshitinde jıyn ótip, el Táýelsizdiginiń 30 jyldyǵyna oraı ótetin taǵylymy mol jarystyń daıyndyq jumystary talqylandy. Jıynǵa QMDB Qajylyq bóliminiń meńgerýshisi Jándillá Bekjigit pen «Muftiyat» baspasynyń dırektory Murat Manapuly, sondaı-aq óńir ımamdary qatysty.

Oblys bas ımamy Erkebulan Qaraqulov aıtýly jarysqa daıyndyq barysyn baıandady. Jumys toby jarys ótetin jáne qarılardy kútetin oryndardy aralady. Batyrjan Berdenuly óńir ımamdaryna birqatar tapsyrmalar berdi.

Eske sala keteıik, 6-7 qazan kúnderi Túrkistan qalasynda Quran Kárimdi jatqa jáne mánerlep oqýdan H respýblıkalyq jarys ótedi.