Quran hatym túsirip jatqan qarılar sáreside bas qosty (FOTO)

Qasıetti Ramazan aıy boıy Elorda meshitterinde taraýıh namazdaryn ótkizip kele jatqan qarılar keshe respýblıkalyq «Áziret Sultan» meshitinde bas qosyp, sáresi dastarhanynyń qurmetti qonaǵy boldy. Nur-Sultan qalasyndaǵy 10 qulshylyq ordasynyń jamaǵatyn qasıetti aı boıy Quran únine uıytyp, hatym túsirip jatqan qarılarǵa QMDB tóraǵasynyń birinshi orynbasary, naıb múftı Naýryzbaı qajy Taǵanuly qurmet kórsetip, berekege toly sáresi ýaqytyn birge ótkizdi.

Qaladaǵy qulshylyq ordalarynyń bas ımamdary men qyzmetkerleri de berekeli dastarhannan dám tatyp, ýaǵyz-nasıhatqa toly taǵylymdy ýaqyt ótkizdi. Dastarhan basynda naıb múftı Naýryzbaı qajy Taǵanuly qarılardyń qal-jaǵdaıymen tanysyp, birqatar máseleler boıynsha pikir almasty.

Júzdesý sońynda Elorda meshitterinde taraýıh namazdaryn júrgizip kele jatqan qarılarǵa Nur-Sultan qalasy ókildigi atynan qoshamet kórsetilip, arnaıy syılyqtar tabystaldy.

Sýretterdi «FOTOGALEREIa» aıdarynan kóre alasyzdar!