QR Prezıdenti ınternettiń shektelýine qatysty pikir bildirdi

QR Prezıdenti Qasym-Jomart Toqaev ınternettiń shektelýine qatysty pikir bildirdi, dep habarlaıdy QazAqparat tilshisi.

«31 arnada» kórsetilgen «Prezıdent 2.0» derekti fılminde reseılik tilshi Alekseı Pıvovarov Prezıdentten ınternetti mólshermen taratýǵa qatysty pikirin surady.

«Qıyn suraq. Biraq, ulý sekildi tuıyqtalý qazirgi álemde múmkin emes. Bári bir aınalma jol arqyly úlken jelige shyǵýdyń amaldary bar. Aıtar shyndyǵyń bolsa, ony áleýmettik jeli arqyly jetkizip jatsań, bir basqa. Mysaly men úshin Twitter jeke telgraf agenttigim sııaqty. Twitter turǵanda jýrnalısterdi shaqyryp, suhbat berýdiń qajeti qansha maǵan? Prezıdenttikke deıin men Instagram-da jazbaıtynmyn. Qazir Instagram paraqsham turaqty jańaryp turady», - dedi ol.

Aıta ketsek, «Prezıdent 2.0» derekti fılminde QR Prezıdenti Qasym-Jomart Toqaev jemqorlyq úshin ólim jazasyna kesilgenderdi óz kózimen kórgenin eske alǵan bolatyn.  Sondaı-aq, Memleket basshysy Saakashvılıdiń mysaly Qazaqstanǵa nelikten kelmeıtinin aıtty.