Memleket basshysy Din isteri jáne azamattyq qoǵam mınıstrligin qaıta ataý týraly qaýly etti, dep habarlaıdy Baq.kz aqparat agenttigi Aqordanyń baspasóz qyzmetine silteme jasap.

Qazaqstan Respýblıkasy Konstıtýtsııasynyń 44-babynyń 3 tarmaqshasyna sáıkes QAÝLY ETEMIN:

1. Qazaqstan Respýblıkasynyń Din isteri jáne azamattyq qoǵam mınıstrligi Qazaqstan Respýblıkasynyń Qoǵamdyq damý mınıstrligi (budan ári – Mınıstrlik) bolyp atalsyn.

2. Mınıstrlikke Qazaqstan Respýblıkasy Mádenıet jáne sport mınıstrliginiń qoǵamdyq kelisim salasynda memlekettik saıasatty iske asyrý jónindegi fýnktsııalary men ókilettikteri berilsin.

3. Qazaqstan Respýblıkasynyń Úkimeti:

• joǵaryda kórsetilgen memlekettik organdardyń shtat sanyn qaıta bólýdi;
• osy Jarlyqty iske asyrý boıynsha ózge de sharalardyń qabyldanýyn qamtamasyz etsin.

4. «Qazaqstan Respýblıkasy Úkimetiniń qurylymy týraly» Qazaqstan Respýblıkasy Prezıdentiniń 22.02.1999 j. № 6 Jarlyǵyna mynadaı ózgeris engizilsin: 1-tarmaqta: «QR Din isteri jáne azamattyq qoǵam mınıstrligi;» degen jol mynadaı redaktsııada jazylsyn: «QR Qoǵamdyq damý mınıstrligi;».

5. Osy Jarlyqtyń oryndalýyn baqylaý QR Prezıdentiniń Ákimshiligine júktelsin.

6. Osy Jarlyq qol qoıylǵan kúninen bastap qoldanysqa engiziledi.

Qazaqstan Respýblıkasynyń Prezıdenti N. Nazarbaev

Astana, Aqorda, 2018 jylǵy 28 maýsym №70

baq.kz/kk/news