Qoja Ahmet Iassaýı jaıynda serıal túsirilmek

Túrkistan oblysynyń basshylyǵy osy aımaqta ómir súrgen uly tulǵalar jaıynda, tarıhı oqıǵalar týrasynda birneshe kınoónimder shyǵarýdy josparlap otyrǵanyn málim etti. Oblys ákimdiginiń baspasóz qyzmeti habarlaǵandaı, «Ońtústikfılm» jáne «Saq» kınostýdııalary Elbasy N.Á.Nazarbaevtyń «Uly dalanyń jeti qyry» maqalasynda kórsetilgen baǵyttar boıynsha birneshe jobalar daıarlaǵan. Atap aıtqanda, «Ordabasy – birliktiń týy», «Oqsyz», «Túrkistan» jáne «Tóle bı» fılminiń 10-serııasy túsirilgen.

Habarlamada «Bıylǵy jyly Elbasymyzdyń «Uly dalanyń jeti qyry» maqalasy aıasynda kórsetilgen baǵyttarǵa sáıkes «Qoja Ahmet Iassaýı» teleserıaly, «Ál-Farabı» kórkem fılmi jáne «Qambar batyr», «Saýran qalashyǵy» atty anımatsııalyq fılmder túsiriledi» dep aıtylǵan.