Qoǵamdyq damý vıtse-mınıstri Saýd Arabııasy Tótenshe jáne Ókiletti Elshisimen kezdesti

Qazaqstan Respýblıkasynyń Qoǵamdyq  damý vıtse-mınıstri Berik Aryn Saýd Arabııasy Koroldiginiń Qazaqstan Respýblıkasyndaǵy Tótenshe jáne Ókiletti Elshisi Zaher Ben Mýtısh Ál-Ánesımen kezdesti.

Kezdesý barysynda taraptar dinı qyzmet salasyndaǵy ekijaqty yntymaqtastyqty damytý, sondaı-aq Qazaqstan azamattary úshin Ýmra men Qajylyqty uıymdastyrý máselelerin talqylady.

Vıtse-mınıstr B.Aryn din salasyndaǵy baılanystardyń damý barysyna óz rızashylyǵyn bildirip, Koroldikpen ózara tıimdi yntymaqtastyqty jalǵastyrýǵa nıet bildirdi. Sonymen qatar ol saýd tarapyna qajylyqty uıymdastyrý barysynda qazaqstandyq qajylarǵa kórsetilgen kómek úshin alǵysyn bildirdi. Taraptar, aǵymdaǵy jyly qazaqstandyq qajylardyń Ýmra men Qajylyqqa barý jaǵdaılaryn jaqsartý boıynsha birlesken jumysty jalǵastyrýǵa ýaǵdalasty.

Sonymen qatar, pikir almasý barysynda Qoǵamdyq damý vıtse-mınıstri Elshini din salasyndaǵy memlekettik saıasatty iske asyratyn Mınıstrliktiń aǵymdaǵy mindetteri men basymdyqtary týraly habardar etti.

Berik Aryn terrorızmniń barlyq túrleri men kórinisterin aıyptaǵan jáne aıyptaıtyn, sondaı-aq bul qubylysty túp tamyrymen joıý úshin álem qaýymdastyǵymen tıimdi ujymdyq kúsh-jigerdi jumyldyrýǵa shaqyratyn Qazaqstan úshin saýd tarapynyń deradıkalızatsııalaý men ońaltý jumysy salasyndaǵy tájirıbesi  qyzyǵýshylyq týdyratynyna nazar aýdardy.

Taraptar Ekstremıstik dinı aǵymdardyń aldyn alý qyzmeti, onyń ishinde radıkaldy dinı ıdeologııanyń yqpalynan halyqty qorǵaý boıynsha qarsy nasıhat jumysyn júrgizý ádisteri jóninde tájirıbe men aqparat almasýdy júzege asyrýǵa kelisti.