QMDB: Jyldyq esepke daıyndyq jumysy pysyqtaldy (FOTO)

Elordada Birinshi naıb múftı, Nur-Sultan qalasynyń bas ımamy Naýryzbaı qajy Taǵanulynyń tóraǵalyǵymen QMDB-nyń keńeıtilgen Tóralqa májilisine daıyndyq jumysy talqylandy.

Jıynǵa naıb múftı Ershat Aǵybaıuly, QMDB Apparat basshysy Ǵylymbek Jádigeruly, sonymen qatar QMDB bólim basshylary qatysty.

«Ózderińiz jaqsy bilesizder, Dinı basqarmanyń jyl sońynda keńeıtilgen Tóralqa májilisi ótedi. Dástúrge saı, oblystyń bas ımamdary esep beredi. Biz osynaý aıtýly sharaǵa úlken daıyndyqpen barýymyz kerek. Sondyqtan, Tóralqa májilisine qatysty qujattardy pysyqtap, bul is-sharaǵa asa mán berýimiz tıis. Eń aldymen esep berý tásiline tyń ıdeıalar qajet», – dep atap ótti Naýryzbaı qajy Taǵanuly.

Basqosýda QMDB bólim basshylary esep berý sharasyna qatysty óz usynystaryn bildirip, birqatar qujattardyń jobasyn usyndy.