QMDB ujymy Kaırdegi stýdentterdiń tynys-tirshiligimen tanysty (FOTO)

Mysyr Arab Respýblıkasyna resmı saparmen barǵan Qazaqstan musylmandary dinı basqarmasy delegatsııasy Kaırde dinı bilim alyp jatqan qazaqstandyq stýdentterdiń tynys-tirshiligimen tanysyp, nasıhat aıtty.

QMDB-nyń Mysyrdaǵy jaýapty ókili Rýslan Serǵazıev pen «Talaba» qaýymdastyǵynyń jetekshisi Erlan Mataıbaev delegatsııa múshelerine bolashaq ımamdardyń kúndelikti tirshiligi, otbasy ahýaly, oqý úlgerimi jaıly baıandap berdi.

Shákirtter shoǵyrlanǵan aýdandy aralaǵan QMDB ujymy jastarǵa tıisti nusqamalar berip, keńesterimen bólisti. QMDB Apparat jetekshisi Ǵylymbek Májıev Bas múftı Naýryzbaı qajy Taǵanuly shetelde bilim alyp jatqan jastarǵa erekshe kóńil bólip otyrǵanyn atap ótti.

«Dinı basqarma sizderge jan-jaqty qoldaý kórsetýdi jalǵastyra beredi. Elimizdegi dinı salanyń damýyna sizder de súbeli úles qosady degen senimdemiz. Oqýdy ozat bitirgen soń Otanymyzǵa oralyp, elimizdiń ıgiligi úshin belsendi túrde qyzmet etýlerińizge tilektespin» dedi Ǵylymbek Jádigeruly.

Igi basqosýda QMDB Dinı bilim jáne kadr daıarlaý bóliminiń meńgerýshisi Smaıyl Seıitbekov, Ýaǵyz-nasıhat bóliminiń meńgerýshisi Batyrjan Mansurov, Nur-Múbárak ýnıversıtetiniń prorektory Qaırat Qurmanbaevtar dinge, halyqqa qyzmet etýdiń saýaby men mańyzy jaıly ýaǵyz aıtty.

Aıta ketsek, búginde Kaır qalasynda QMDB janyndaǵy «Talaba» qaýymdastyǵynyń 134 shákirti bilim alýda. Olar ornalasqan jataqhanada tennıs bólmesi, shaǵyn stýdııa jáne ulttyq qundylyqtar bólmesi bar.