QMDB: Ulttyq aýdarma bıýrosymen yntymaqtastyq artady (FOTO)

Qazaqstan musylmandary dinı basqarmasy janynan «Múftııat baspasy» ashylǵany belgili. Baspany ashýdaǵy maqsat – múftııattyń tól baspa ónimderin (kitap, gazet, jýrnal, taratpa materıaldar, t.b.) shyǵaryp, halyqqa taratý.

Baspa jumysynyń múmkindigin arttyrý maqsatynda QMDB Baspa jáne aýdarma bóliminiń meńgerýshisi, «Múftııat baspasynyń» dırektory Murat Manapuly men baspasóz hatshysy Aǵabek Qonarbaıuly Almaty qalasynda Ulttyq aýdarma bıýrosynyń Bas rekdaktory, belgili jýrnalıst Muhtar Seńgirbaımen kezdesti.

Kezdesýde birikken jobalardy júzege asyrý, tájirıbe almasý, jeke tulǵany damytýǵa arnalǵan kitaptardy shyǵarý syndy máseleler talqylandy. Aýdarma jáne kitap shyǵarý isiniń ádis-tásilderi sóz bolǵan basqosýda qoǵamǵa paıdaly baspa ónimderin usyný jaıy qozǵaldy. Muhtar Seńgirbaı Ulttyq aýdarma bıýrosy «Múftııat baspasy» jumysynyń jandanýyna jan-jaqty qoldaý kórsetýge daıyn ekenin málimdedi.

Aıta ketsek, 2017 jyly «Jańa gýmanıtarlyq bilim. Qazaq tilindegi 100 jańa oqýlyq» jobasyn júzege asyrý úshin kommertsııalyq emes «Ulttyq aýdarma bıýrosy» quryldy.

Joba aıasynda tarıh, fılosofııa, sotsıologııa, psıhologııa, antropologııa, mádenıettaný, dintaný, lıngvıstıka, ınnovatsııa, medıa, Ekonomıka, menedjment, kásipkerlik, kınotaný, teatrtaný salalary boıynsha álemniń mańdaıaldy ýnıversıtetterinde oqytylatyn úzdik oqýlyqtar qazaq tiline aýdarylýda.