QMDB «ÝAQYP» QORYNYŃ DIREKTORY MEDRESE TYNYSYMEN TANYSTY (FOTO)
Qazaqstan musylmandary dinı basqarmasy «Ýaqyp» qorynyń dırektory Azamat Ábdikerimuly «Astana» medrese-kolledjine arnaıy at basyn buryp, bilim ordasynyń tynys-tirshiligimen tanysty.
Kezdesý barysynda Astana qalasynyń ókili, «Áziret Sultan» meshitiniń bas ımamy Erbolat Júsipov pen «Astana» medrese-kolledjiniń dırektory Baqtybaı qajy Beısenbaev oqý ornynyń qazirgi tynys-tirshiligimen tanystyryp, bilim alyp jatqan shákirttermen júzdesý ótkizdi. «Ýaqyp» qorynyń dırektory Azamat Ábdikerimuly Bas múftı Naýryzbaı qajy Taǵanulynyń tapsyrmasy aıasynda oqý ornynda úzdik úlgerimimen ozat bolyp júrgen stýdentterdi marapattap, qor tarapynan shákirtterge árqashan qoldaý kórsetiletinin jetkizdi.
Aıta ketsek, medrese korpýsy oqý úrdisine saı qajetti jıhazdarmen, uıymdastyrý tehnıkasy, kompıýter synybymen tolyǵymen jabdyqtalǵan. Jeke ǵımaratta arnaıy oqý zaly men kitaphana bar. Medreseniń oqý ǵımaratyna irgeles jataqhana men ashana ornalasqan. Órt qaýipsizdigi normalary men erejeleri talapqa saı. Medrese ortalyq jylytý júıesimen jabdyqtalǵan.
