QMDB TÓRAǴASYNA HALYQARALYQ FORÝMDA MARAPAT TABYSTALDY
Mysyr Arab Respýblıkasynyń Kaır qalasynda ótken II Halyqaralyq pátýa forýmynyń qorytyndy jıynynda Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly halyqaralyq marapatqa ıe boldy.
Marapatty Mysyr Arab Respýblıkasynyń Bas múftıi, Álemdegi pátýa shyǵaratyn uıym Bas hatshysy, professor, doktor Nazır Muhammad Aıad tabystady. Marapattaý rásimi barysynda mýftıler, ǵalymdar men din qaıratkerleri qatarynan tańdalǵan toǵyz tulǵaǵa dinı jáne pátýa salasyn damytýǵa qosqan úlesi úshin marapat tabystaldy, olardyń qatarynda Qazaqstan musylmandary dinı basqarmasynyń Tóraǵasy da bar.
Aıta keteıik, II Halyqaralyq pátýa forýmy «Zamanaýı syn-qaterler jaǵdaıynda pátýa berý jáne adam bolmysynyń tutastyǵy» taqyrybynda ótti. Forýmǵa álemniń ár elinen bas múftıler, sharıǵat ǵalymdary men sarapshylar qatysty.
Qorytyndy jıynda pátýa ınstıtýttarynyń qoǵamdaǵy róli, zeket pen ýaqyp júıesin damytý jáne áleýmettik máselelerdi sheshýdegi dinı ınstıtýttardyń jaýapkershiligi talqylandy.
