QMDB tóraǵasy Shymkenttegi jańa qudyqtyń ashylýyna qatysty (FOTO)

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly QMDB-nyń 30 jyldyq mereıtoıy aıasynda Shymkent qalasy, Qarataý aýdanynyń Taskent eldimekeninde ornalasqan «Qarabýra áýlıe» meshitindegi jańa qudyqtyń ashylýyna qatysty.

Qudyqtyń tereńdigi – 57 metr. Bul eldi mekende sý bar bolǵanymen sýdyń qysymy óte tómen bolatyn. Endi bul qudyqtan sý ishýge de jáne baqsha ónimderin sýǵarýǵa da bolady. Aıta ketý kerek, qudyq qazý jumysyna demeýshilik jasaǵan – Shymkent qalasy, Qarataý aýdanyna qarasty meshit ımamdary men erikti jamaǵaty. Al qudyq jumystaryna 1,2 mıllıon teńge jumsaldy.

Aıtýly shara barysynda meshit jamaǵaty men aýyl aqsaqaldary úlken saýapty iske bastamashy bolǵan QMDB tóraǵasy, Bas múftı Naýryzbaı qajy Taǵanulyna rızashylyǵyn bildirip, alǵystaryn jaýdyrdy.