QMDB tóraǵasy Shymkentte 252-baspananyń kiltin tapsyrdy (FOTO)

Shymkent qalasyna arnaıy resmı saparmen kelgen Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly «El úlesi – páterge» aktsııasynyń 252-shi baspana kiltin tabystaý sharasyna qatysty.

Aldymen QMDB tóraǵasy «El úlesi – páterge» aktsııasynyń mán-mańyzyna toqtalyp, kóp jyldan beri baspana taýqymetin tartyp júrgen Ál-Farabı aýdany, Sáýle móltek aýdanynda turatyn jalǵysbasty ana Uljan Aıapbergenovaǵa baspana kiltin tabys etti. Óz atynan gaz plıtasyn syıǵa tartyp, qonystyń jaıly hám qýanyshqa toly bolýyn tilep, qutty bolsyn aıtty.

Úıdiń jer kólemi – 8 sotok, al jańa salynǵan páterdiń kólemi – 8h10 sharshy metr. Barlyq jaǵdaıy qarastyrylǵan jáne úıdiń aýlasy qorshalyp, temir qaqpasy ornatylǵan.

Aıta ketsek, atalmysh úıdiń qurylysyna Shymkent qalasynyń bas ımamy Baqdáýlet Nurmatulynyń bastamasymen QMDB-nyń Shymkent qalalyq «Zeket» qory ókildigi men «Sáýle» meshitiniń jamaǵaty qoldap, demeýshilik etip, az ýaqytta paıdalanýǵa berildi. Osy oraıda, osyndaı karantın jaǵdaıynda qol ushyn sozyp, aıanbaı qyzmet etken jomart jandarǵa Bas múftı batasyn berip, rızashylyǵyn bildirdi.