QMDB TÓRAǴASY SAN-FRANTsISKO ShYǴANAǴY AIMAǴYNYŃ IMAMYMEN KEZDESTI

AQSh-qa jasalǵan jumys sapary aıasynda QMDB Tóraǵasy, Bas múftı Naýryzbaı qajy Taǵanuly San-Frantsısko shyǵanaǵy aımaǵyndaǵy iri ıslam ortalyqtarynyń biri — Muslim Community Association (MCA) of the San Francisco Bay Area (San-Frantsısko shyǵanaǵy aımaǵyndaǵy Musylman Qaýymdastyǵy) dırektory, ımam Fýad Muhammed myrzamen kezdesti.

Kezdesýge QMDB delegatsııa músheleri men MCA qaýymdastyǵynyń qyzmetkerleri qatysty.

Júzdesý barysynda taraptar dinı aǵartý jumystary jáne qoǵamdaǵy ózara qurmet pen kelisimdi nyǵaıtý máselelerin keńinen talqylady.

Bas múftı óz sózinde ıslam dininiń beıbitshilik pen meıirimge úndeıtin asyl qundylyqtaryn atap ótip, Qazaqstandaǵy dinı turaqtylyqty saqtaý, dástúrli rýhanı qundylyqtardy nasıhattaý jáne konfessııaaralyq kelisimdi damytý baǵytynda atqarylyp jatqan jumystar týraly málimet berdi.

Óz kezeginde ımam Fýad Muhammed Bay Area aımaǵyndaǵy musylman jamaǵatynyń qyzmeti, jastar men otbasylarǵa arnalǵan bilim berý baǵdarlamalary, qaıyrymdylyq jáne qoǵamdyq bastamalar jóninde baıandady.



























​