QMDB TÓRAǴASY «QAZAQ HANDYǴY DÁÝIRINDEGI ISLAM ÓRKENIETI» KONFERENTsIIaSYNA QATYSTY
Astana qalasyndaǵy Nur-Sultan meshitinde «Qazaq handyǵy dáýirindegi Islam órkenıeti» respýblıkalyq ǵylymı-tanymdyq konferentsııa ótti. Is-sharaǵa Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly qatysty.
Sondaı-aq konferentsııada Memleket tarıhy ınstıtýty dırektorynyń orynbasary, QR UǴA akademıgi, tarıh ǵylymdarynyń doktory, professor Búrkitbaı Ǵelmanuly, ál-Farabı atyndaǵy Qazaq ulttyq ýnıversıtetiniń kafedra meńgerýshisi, QR UǴA akademıgi, tarıh ǵylymdarynyń doktory, professor Bereket Baqytjanuly, Sh.Ýálıhanov atyndaǵy Tarıh jáne Etnologııa ınstıtýty dırektorynyń syrtqy baılanystar jónindegi orynbasary, tarıh ǵylymdarynyń doktory Jomart Jeńis, L.N.Gýmılev atyndaǵy Eýrazııa ulttyq ýnıversıtetiniń professory, tarıh ǵylymdarynyń doktory Maqsat Alpysbesuly jáne QMDB janyndaǵy Islam ǵylymı-zertteý ınstıtýtynyń dırektory, Ǵulamalar keńesiniń múshesi, fılologııa ǵylymdarynyń kandıdaty, qaýymdastyrylǵan professor Tóráli Qydyr baıandama jasady.
Konferentsııanyń negizgi maqsaty – Qazaq handyǵy dáýirindegi ıslam órkenıetiniń qalyptasýy men damýyn, qazaq dalasyndaǵy dinı-rýhanı muranyń tarıhı negizderin ǵylymı turǵydan zerdeleý. Sondaı-aq ıslam dininiń qazaq qoǵamynyń mádenıeti, dástúri, rýhanııaty men qoǵamdyq sanasynyń qalyptasýyna yqpalyn keńinen talqylaý.
Konferentsııa barysynda osy tarıhı sabaqtastyqtyń túrli qyrlary ǵylymı turǵydan qarastyryldy. Atap aıtqanda, Deshti-Qypshaq dalasynda ıslam dininiń taralýy, Qazaq handyǵy dáýiriniń erekshelikteri, ıslam áleminiń handyqtyń syrtqy saıasatyndaǵy orny, qazaq qaýymynyń túrki-musylmandyq dástúrleri men murasy, sondaı-aq sol kezeńdegi dinı-dıdaktıkalyq jazba jádigerlerdiń erekshelikteri sóz boldy.
