QMDB TÓRAǴASY OBLYS BAS IMAMDARYNA NASIHAT AITTY (FOTO)

Búgin elordada Bas múftı Naýryzbaı qajy Taǵanulynyń tóraǵalyǵymen Ortalyq apparat jınalysy ótti.

Jıynǵa múftııattyń basshylyq quramy, bólim jáne sektor meńgerýshileri, sondaı-aq oblys bas ımamdary onlaın baılanys arqyly qatysty. QMDB Tóraǵasy ımamdarǵa qyzmettik Etıkaǵa, din isiniń jáne jamaǵatpen jumystyń jaýapkershiligine toqtaldy.

«Imamdyq – jaýapkershiligi mol, joǵary adamgershilik qundylyqtardy talap etetin qyzmet. Bul – Paıǵambarymyzdyń (Oǵan Allanyń salaýaty men sálemi bolsyn) Alla tarapynan alyp kelgen amanatyn keler urpaqqa jalǵastyratyn, adamdardy jaqsylyqqa shaqyryp, jamandyqtan tyıatyn uly istiń biri.

Paıǵambarymyz (oǵan Allanyń salaýaty men sálemi bolsyn): «Imam – basshy ári qolastyndaǵylarǵa jaýapty» – degen. Árıne, mundaı jaýapkershilikti atqarý úshin, óz bolmysymen úlgi-ónege bolatyn, din isi men dúnıeni qatar alyp júrýge baýlıtyn kórkem minez-qulyq pen ustazdyq qabilet-qasıetter, belsendilik pen azamattyq sıpattar ımamnan talap etiledi. Imamnyń ishki jan dúnıesi men syrtqy kelbeti birdeı bolyp búkil isin adaldyq, ádildikpen atqarýy tıis» dedi Bas múftı.

Jıyn qorytyndysynda QMDB Tóraǵasy din qyzmetkerlerine, oblys bas ımamdaryna naqty tapsyrmalar berip, rýhanııat isine yjdahattylyqpen qaraýǵa shaqyrdy. 

​