QMDB TÓRAǴASY MÚFTILER ALQASYNDA ARNAIY BAIaNDAMA JASADY

Búgin Ázerbaıjan astanasy Baký qalasynda Túrki memleketteri uıymy janynan qurylǵan Múftıler alqasynyń jetinshi májilisi ótti.

Alqaly jıynǵa Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly qatysyp, arnaıy baıandama jasady.

«Barshańyzdy Túrki memleketteri uıymy Múftıler alqasynyń kezekti otyrysynda kórgenime qýanyshtymyn. Alla Taǵala búgingi basqosýymyzdy berekeli, musylman úmbeti úshin paıdaly etkeı.

Búgingi tańda álemniń kóptegen aımaǵynda dinı saýatsyzdyq pen aqparattyń baqylaýsyz taralýy qoǵamda túrli túsinispeýshilikter týyndatyp otyr. Ásirese áleýmettik jelilerde dinı bilimdi júıeli túrde almaǵan adamdardyń ózgelerge aýyr aıyptar taǵýy jıilep barady. Mundaı úrdis musylman qoǵamynyń birligine úlken qaýip tóndiredi. Bul rette mundaı máselege der kezinde ún qatyp, dinı turǵydan málimdeme jasap, ortaq ustanymdarymyzdy jarııalap otyrý asa mańyzdy. Bul rette Túrki memleketteri uıymy janynan qurylǵan Múftıler alqasynyń mańyzdy talqylaý alańyna aınalǵany quptarlyq is» dep atap ótti QMDB Tóraǵasy, Bas múftı Naýryzbaı qajy Taǵanuly.