QMDB TÓRAǴASY KÝVEIT ELShISIMEN KEZDESTI

Elordada Qazaqstan musylmandary dinı basqarmasynyń tóraǵasy Naýryzbaı qajy Taǵanuly Kýveıt Memleketiniń Elshisi Omar Ahmed Muhammed Murat ál-Kandarımen kezdesti.

Kezdesýde dinı saladaǵy yntymaqtastyqty arttyrý máselesi sóz boldy. Bas múftı otandyq dinı kadrlardyń sapasyn arttyrýǵa udaıy kóńil bólinetini jóninde aıtyp, elordada tereń dinı bilim beretin ıslam ınstıtýtynyń jumys istep turǵanyn atap ótti. Sonymen qatar, QMDB Tóraǵasy Naýryzbaı qajy Taǵanuly Elshini múftııattyń túrli baǵyttaǵy jumystary jaıly habardar etti.

Basqosý barysynda mártebeli meıman Omar ál-Qandarı arnaıy qabyldap, suhbattasýǵa ýaqyt bólgen Bas múftıge alǵysy men jyly lebizin bildirip, ekijaqty áriptestik baılanysty nyǵaıtýdyń mańyzyn atap ótti. Sondaı-aq, taraptar bir-birine estelik syılyqtar tabystap, rýhanııat jolynda odan ári birlesip jumys isteýge ýaǵdalasty.

​