QMDB TÓRAǴASY HALYQARALYQ KONFERENTsIIaDA BAIaNDAMA JASADY
Búgin «Nur-Múbarak» Egıpet ıslam mádenıeti ýnıversıtetiniń 25 jyldyq mereıtoıyna arnalǵan «Qazaqstandaǵy ıslam órkenıetiniń dástúri: ótkeni, búgini» atty HHHII halyqaralyq ǵylymı-tájirıbelik konferentsııada Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly baıandama jasady.
«Búginde ýnıversıtetimizden túlep ushqan mamandar elimizdiń ár óńirinde ımamdyq, ustazdyq, ǵylymı-zertteý jáne aǵartýshylyq baǵytta qyzmet etip, halqymyzdyń rýhanı damýyna óz úlesin qosyp keledi. Alla razy bolsyn! Bilim berý tek maman daıarlaýdy ǵana bildirmeıdi. Bilim berý – adam tárbıeleý, elge qyzmet etetin sanaly tulǵa qalyptastyrý degen sóz. Osy turǵydan aıtqanda, sizderdiń eńbekterińizdiń mańyzy erekshe ekeni haq. Óıtkeni bilim adamǵa jol kórsetedi, al tárbıe sol jolmen durys júrýge úıretedi.
Osy rette «Qazaqstandaǵy ıslam órkenıetiniń dástúri: ótkeni, búgini» taqyrybynda bastalǵan HHHII halyqaralyq ǵylymı-tájirıbelik konferentsııanyń jumysyna sáttilik pen bereke tileımin. Islam órkenıetiniń tarıhı murasyn zerdelep, rýhanı qundylyqtarymyzdy jańǵyrtýǵa arnalǵan bul ǵylymı jıynda ǵalymdarymyzdyń tarapynan mazmundy baıandamalar jasalady dep senemin.
Memleket basshysy qadirli Qasym-Jomart Kemeluly ǵalymdarmen bolǵan kezdesýde: «Biz zııatkerlik muramyzdy maqtan tutamyz. Ál-Farabı, Ahmet Iasaýı, Abaı syndy ǵulamalarymyz sońyna sarqylmas rýhanı qazyna qaldyrdy. Olardyń eńbekteri álemdik aqyl-oıdyń altyn qoryna kiredi. Danyshpan babalarymyzdyń baǵa jetpes týyndylaryn zaman talabyna saı kádege jarata bilýimiz kerek. Oıshyldarymyz ben ǵalymdarymyzdyń murasyn tereń tanyp, keńinen dáriptep, barynsha damytqan jón. Uly tulǵalardy ulyqtaý jumysyna tyń serpin berý asa mańyzdy», – dep atap ótken bolatyn»,-dedi Bas múftı Naýryzbaı qajy Taǵanuly
