QMDB TÓRAǴASY ASTANADAǴY «ÁLJAN ANA» MEShITINDE JUMA NAMAZYN ÓTKIZDI (FOTO)

Búgin Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Astana qalasyndaǵy «Áljan ana» meshitinde juma namazyn ótkizdi.

QMDB Tóraǵasy juma qutpasynda: Jaratqan Alla Taǵala Qasıetti Quranda: «Kúdiksiz: «Rabbymyz – Alla» dep, keıin týra joldy ustanǵandarǵa eshqandaı qorqynysh joq ári olar qaıǵyrmaıdy», – dep aıtqan («Ahqaf» súresi, 13-aıat). Ardaqty Paıǵambarymyz (oǵan Allanyń salaýaty men sálemi bolsyn) hadısinde: «Allaǵa ıman keltirdim de, sosyn týra jolda berik bol», – degen (ımam Múslım).

Rasynda da adam balasyna qajetti bolǵan sıpat – ıstıqamat. Iaǵnı, dinde berik bolý. Dinde berik bolý dep – týra joldy taýyp, haq dinniń jolyna túskennen keıin, ońdy-soldy aýytqymaı, dinniń barlyq buıryqtaryna baǵynyp, tyıymdarynan tolyqtaı tyıylý, qulshylyqtardy oryndaýda tabandy bolý. Bul árbir musylman balasy úshin mańyzdy» dedi.

​