QMDB tóraǵasy Aqtóbede zııaly qaýym ókilderimen kezdesti (FOTO)

Qazaqstan musylmandary dinı basqarmasynyń tóraǵasy Serikbaı qajy Oraz Aqtóbe oblysyna jasaǵan sapary aıasynda jergilikti zııaly qaýym ókilderimen júzdesti."Nur Otan" partııasynyń ǵımaratynda ótken basqosýǵa oblystyq bilim salasynyń ǵalymdary, memleket jəne qoǵam qaıratkerleri, jergilikti din qyzmetkerleri qatysty.

Kezdesýde alǵashqy sóz alǵan Serikbaı qajy Satybaldyuly: "Adam əýeli ózi ózgermese onyń aınalasy men jalpy qoǵam ózgermeıdi. Alla Taǵala qasıetti Quranda qaısibir qaýym əýeli ózin ózgertpeıinshe, olardy ózgertpeıtinin aıtqan. Demek, qoǵamnyń ózgerýin qalaǵan adam áýeli óziniń minezin túzep, sanasy men bolmysyn izgilendirýi kerek. Ózin tárbıelegen adam otbasyn túzeıdi. Otbasy túzelse, qoǵam túzeledi. Óıtkeni, paıǵambarymyz Muhammed (oǵan Allanyń salaýaty men səlemi bolsyn) ər pende óz qaramaǵyndaǵy adamdarǵa jaýapty ekenin aıtqan", - dedi.

Basqosýda sóz alǵan qoǵam jəne memleket qaıratkeri Amangeldi Aıtaly syndy el aǵalary elimizdegi dinı ahýaldy jaqsartýǵa qatysty óz oılaryn ortaǵa saldy.

Kezdesýde QMDB-nyń Aqtóbe oblysy boıynsha ókil ımamy Tólebı Ospan baıandama jasady. 

​