QMDB TÓRAǴASY «ÁBÝ HANIFA» MEDRESE-KOLLEDJINIŃ ShÁKIRTTERIMEN KEZDESTI

Búgin Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly Almaty ortalyq meshitinde «Ábý Hanıfa» medrese-kolledjiniń shákirtterimen kezdesti.

Kezdesý barysynda Bas múftı shákirtterge adaldyq, ádildik, bilim men kórkem minezdiń mańyzy jóninde nasıhat aıtyp, bolashaq din qyzmetkeriniń boıynda bolýy tıis negizgi qasıetterge toqtaldy.

«Adaldyq eń aldymen nıetten bastalady. Ol adamnyń ishken asynan, istegen isinen, sóılegen sózinen, júris-turysynan kórinis tabýy tıis. Din jolyndaǵy shákirt úshin bilim men adaldyq qatar júrýi qajet. Sebebi erteń sizder halyqqa qyzmet etip, eldiń dinı saýatyn arttyrý jolynda eńbek etesizder. Sondyqtan árdaıym senimge selkeý túsirmeı, amanatqa berik bolý mańyzdy», – dedi Bas múftı.

Jıyn sońynda Naýryzbaı qajy Taǵanuly shákirtterge bilim jolynda tabys tilep, elge adal qyzmet etetin bilikti de bilimdi din mamany bolýlaryna tilektestik bildirip, aq batasyn berdi.

Источник: Aisha