QMDB qyzmetkerlerine serpin bergen semınar ótti (FOTO)

Keshe Almaty qalasynda elimizdegi dinı saıt jetekshileri men ókildikterdegi baspasóz hatshylaryna arnalǵan semınar bastalǵan bolatyn. QMDB-ǵa qarasty saıt jetekshileri men baspasóz hatshylarynyń basyn qosqan Almatydaǵy eki kúndik semınardyń sońǵy kúni ǵalamtor jelisindegi elimizdiń bedeldi basylym ókilderimen tájirıbe almasýǵa arnaldy.

Din nasıhaty jolynda qalam terbep, halyqty rýhanı sýsyndatýǵa súbeli eńbek sińirip júrgen semınar qatysýshylarynyń otyrysyna belgili qalamger, «Jas órken» JShS-niń bas dırektory Júsipbek Qorǵasbekov, Qamshy.kz portalynyń tilshisi Jazıra Baıdaly men Zakon.kz portalynyń arnaıy reportajdar bóliminiń redaktory Torǵyn Nurseıitovalar qatysyp, óz pikirlerimen bólisti. Aǵalyq aqylyn aıtyp, baspasóz salasynyń syrlaryna qanyqtyrǵan Júsipbek aǵa baıandamasy barshasyna aıryqsha áser etip, birqatar tyń tásilderge úıretti.

Budan soń elimizdegi bedeldi eki portal ókilderimen kezdesken dinı saıt redaktorlary ózara usynystaryn aıtyp, áriptestik qatynasty arttyra túsý jolynda tájirıbeler almasty. Syn-pikirler men ortaq uıǵarymdar, ózara suraq-jaýaptarmen jalǵasqan kezdesýdiń barlyǵy úshin paıdaly bolǵany anyq.

​