QMDB: Quryltaı úndeý joldady (FOTO)
Búgin Elordada ótken Qazaqstan musylmandarynyń kezekten tys IH Quryltaıy sońynda jıynnyń Úndeýi oqyldy. Úndeýdi QMDB Nasıhat jáne qoǵammen baılanys bóliminiń basshysy Batyrjan qajy Mansurov oqyp berdi.
«Qazaqstan musylmandary dinı basqarmasy barsha qaýymdy yntymaq-birlikke, ózara syılastyqqa, elimizdiń dinaralyq jáne ultaralyq dostyq pen túsinistikke negizdelgen bastamalaryna úles qosyp keledi. Búginde Dinı basqarmanyń jumys baǵyty babalar salǵan dástúrli Ábý Hanıfa mázhaby men Imam Matýrıdı senim mektebine qurylýy – halqymyzdyń yntymaǵy men birliginiń kepili.
Osy rette barsha din qyzmetkerlerin «Jeti rýhanı qazyq» tuǵyrnamasyndaǵy qoǵamǵa qajetti ımandylyq, ıbalylyq, otanshyldyq syndy qasıetterdi nasıhattaýǵa, jastardy jat aǵymnan qaıtaryp, san ǵasyr boıy qalyptasqan dástúrli ıslam jolyna úgitteýge shyqarymyz.
Búgingi quryltaı elimizdegi musylmandardyń qarashańyraǵy atanǵan Dinı basqarmanyń otyz jyldyq mereıtoıy qarsańynda ótip otyr. Endeshe, barshańyzdy osy aıtýly merekemen quttyqtaı otyryp, elimizge amandyq, halqymyzǵa bereke-birlik tileımiz» delingen Úndeý mátininde.
