QMDB: QURAN JATTAÝ ORTALYQTARYNYŃ JUMYSY TALQYLANDY

Búgin Quran jattaý ortalyqtary men Quran sektoryna jaýapty qyzmetkerleriniń qatysýymen onlaın formatta jumys jıyny ótti.

Jıynǵa QMDB Naıb múftıi Kenjetaı Baıkemeluly jáne Dinı bilim jáne kadr daıyndaý bóliminiń meńgerýshisi Hasan Amanqulov, sondaı-aq óńirlerdegi Quran sektorynyń jaýaptylary jáne Quran jattaý ortalyqtarynyń dırektorlary qatysty.

Kezdesýde elimizdegi Quran jattaý ortalyqtarynyń qyzmetin júıeleý, oqý-tárbıe úderisin jetildirý jáne Quran úıretý jumystaryn birizdendirý máseleleri talqylandy. Jıyn barysynda óńirlerdegi ımamdar men azanshylardyń bilimin jetildirý jumystarynyń barysy men esebi qaraldy.

Budan bólek, ortalyqtarǵa talapkerlerdi qabyldaý tártibi, Quran úıretetin ustazdardy tıisti buıryqpen rásimdeý, oqý-tárbıe jáne uıymdastyrý jumystarynyń sapasyn arttyrý máseleleri sóz boldy.

Kezdesýde halyqaralyq Quran jarystaryna qatysatyn qarılardy júıeli túrde daıarlaý máselesi de talqylandy. Osy rette qarılardyń Quran jattaý sapasyn arttyrý, tájýıd talaptaryn saqtaý jáne mánerlep oqý sheberligin jetildirý, qabiletti qarılardy iriktep, arnaıy daıyndyq jumystaryn kúsheıtý qajettigi aıtyldy.