QMDB: Qajylyq salasynda Túrkııa tájirıbesi eskeriledi (FOTO)
Bas múftı Serikbaı qajy Oraz bastaǵan delegatsııa Túrkııa din isteri basqarmasy Qajylyq jáne ýmra qyzmetteri departamentiniń jumysymen tanysty.
Departament dırektory Remzı Bırjan qajylyq jáne ýmra salasy boıynsha Túrkııa tájirıbesin táptishtep túsindirip berdi. Kezdesýge QMDB tóraǵasynyń Birinshi orynbasary, Nur-Sultan qalasynyń Bas ımamy Naýryzbaı qajy Taǵanuly, Bas múftı keńesshisi Baltabaı Mekejanov, Sharıǵat jáne pátýa bóliminiń meńgerýshisi Sansyzbaı Qurbanuly, Nasıhat jáne qoǵammen baılanys bóliminiń meńgerýshisi Altynbek Utyshanuly, Is basqarýshy Erbosyn Oryn, Qajylyq jáne umra bóliminiń meńgerýshisi Jándilla Bekjigitov, Baspa jáne aýdarma bóliminiń meńgerýshisi Murat Ábdihalyqov, baspasóz hatshysy Aǵabek Qonarbaıuly qatysty.
Basqosýda Bas múftı Serikbaı Satybaldyuly táýelsizdiktiń alǵashqy jyldarynda Qazaqstannan nebary 100 adam qajylyqqa barǵanyn, búginde bul kórsetkish 5 myńǵa jetkenin aıryqsha atap ótti.
Eki jaqty kezdesý barysynda QMDB qyzmetkerleri qajylyq saparyn uıymdastyrý jumystaryna qatysty saýaldar qoıyp, ortaq máselelerdi talqylady.
Departament dırektory atajurttaǵy áriptesterine qashan da qoldaý kórsetýge daıyn ekenin jetkizdi.
Kezdesýden keıin QMDB Qajylyq bóliminiń meńgerýshisi Jándilla Bekjigitov túrkııalyq áriptesterimen kelissózder júrgizdi.
Aıta ketsek, Túrkııada jyl saıyn 80 myń musylman qajylyq paryzyn óteıdi. 80 myń qajynyń 60 paıyzyna Túrkııa din isteri basqarmasy qyzmet kórsetedi. Jyl saıyn 300-400 myń adam kishi qajylyqqa barady eken.
