QMDB: Qazaqstan qajylaryna 18 kompanııa qyzmet kórsetedi

2018 jyly Saýd Arabııa Koroldigi Qajylyq mınıstrligi Qazaqstan úshin 3000 adamǵa kvota bóldi. 

Qazaqstandyq qajylarǵa QMDB Qajylyq komıssııasynyń sheshimimen qyzmet kórsetýge laıyqty dep tanylǵan 18 kompanııa qyzmet kórsetedi. 

QMDB Qajylyq mıssııasy atalǵan kompanııalardyń qyzmet kórsetý sapasyn jiti baqylaıtyn bolady. 

Qajylyq paryzyn óteýge nıet bildirgen otandastar arasynda 16-dan 89 jasqa deıingi azamattar bar. Kámeletke tolmaǵandar ata-anasymen birge júretin bolady.

Bıylǵy jyldyń ereksheligi – qajylardyń kıim úlgisi birdeı bolmaq. Bıylǵy sapar shyǵyny bir adamǵa 4-5 myń dollardy quraıdy. Qasıetti oryndarǵa Almaty, Astana, Aqtaý jáne Shymkent qalalarynan avıareıster júzege asyrylady.

Qajylyqqa baratyn azamattardyń alǵashqy legi 8-9 tamyzda attanady. Olar 1 qyrkúıekke deıin Qazaqstanǵa oralady.