QMDB ókili halyqaralyq jıynda baıandama jasady
Búgin «Álemdik jáne dástúrli dinder lıderleriniń Sezi aıasyndaǵy dinaralyq jáne gýmanıtarlyq yntymyqtastyq» halyqaralyq jıyny ótti.
Atalǵan sharaǵa elimizdiń Mádenıet jáne aqparat mınıstrligi Din isteri komıteti tóraǵasynyń orynbasary Maqsat Ramankýlov, Konfessııaaralyq jáne dinaralyq dıalogtyń halyqaralyq ortalyǵynyń Basqarma tóraǵasy Gúlsana Qojabaı, sondaı-aq dinı birlestikter, halyqaralyq uıymdar men eriktiler birlestikteriniń ókilderi qatysty.
Sondaı-aq, QMDB tóraǵasy, Bas múftı Naýryzbaı Qajy Taǵanulynyń tapsyrmasymen Jastar isi sektorynyń meńgerýshisi Nurbolat Sovethanov ta qashyqtan qosylyp, baıandama jasady.
QMDB ókili qatysýshylarǵa Bas múftıdiń sálemin jetkizip, Dinı basqarmanyń jastarmen jumys baǵytyndaǵy qyzmetine toqtaldy. Naqtyraq aıtqanda jas býyndy eriktilikke, qoǵamdyq paıdaly isterge jumyldyrý baǵytynda atqarylyp jatqan istermen tanystyrdy.
