QMDB MEN QATAR DAMÝ QORY ARASYNDA YNTYMAQTASTYQ KELISIM-ShARTYNA QOL QOIYLDY
QMDB Tóraǵasy, Bas múftı Naýryzbaı qajy Taǵanuly Qatar Memleketine jasaǵan resmı sapary barysynda Qatar damý qorynyń Bas dırektory, joǵary mártebeli Fahd bın Hamad Ás-Sýláıtımen resmı kezdesý ótkizdi.
Kezdesý barysynda taraptar Qazaqstan men Qatar arasyndaǵy dinı-rýhanı yntymaqtastyqty keńeıtý, sondaı-aq ózara birlesken jobalardy júzege asyrý máselelerin talqylap ekijaqty yntymaqtastyq týraly kelisim-shartyna qol qoıdy.
Bas múftı Naýryzbaı qajy Taǵanulynyń júrgizgen kelissózderi nátıjesinde jáne qol qoıylǵan kelisim-shartynyń negizginde Katar damý qory Qazaqstan musylmandary dinı basqarmasyna qarasty Astana qalasyndaǵy «Ábý Nasr ál-Farabı» meshiti ǵımaratyn jóndeý, qalpyna keltirý, keńeıtý jáne rýhanı mádenı ortalyq salý jobasyn qoldaýǵa 8 000 000 (segiz mıllıon) AQSh dollary kóleminde qarjy bólip, qurlys jumystaryn tolyǵymen óz qadaǵalaýlarymen júrgizip, tolyq aıaqtap QMDB tarapyna tabystalatyn bolady.
Bas múftı Naýryzbaı qajy Taǵanuly Qatar tarapyna kórsetilgen qoldaýy úshin alǵys bildirip, bul yntymaqtastyqtyń elimizdegi dinı-aǵartýshylyq baǵyttaǵy jumystardyń damýyna oń yqpal etetinin aıtty.
Óz kezeginde joǵary mártebeli Fahd bın Hamad Ás-Sýláıtı Qatar damý qorynyń Qazaqstan musylmandary dinı basqarmasynyń mańyzy bar bastamalardy qoldaýǵa daıyn ekenin jetkizip, Qazaqstanmen ózara seriktestikti odan ári nyǵaıtýǵa múddelilik tanytty.
Kezdesý sońynda eki tarap aldaǵy kezeńde qol jetkizilgen birlesken jobanyń el ıgiligine berilýine múddeli ekendikterin jetkizdi.
