QMDB: Halyqaralyq jáne ishki ister jónindegi keńesshi taǵaıyndaldy (FOTO)

Qazaqstan musylmandary dinı basqarmasynyń tóraǵasy, Bas múftı Serikbaı qajy Orazdyń buıryǵymen Mekejanov Baltabaı keńesshi qyzmetine taǵaıyndaldy. Belgili dintanýshy ǵalymdy QMDB tóraǵasynyń birinshi orynbasary, naıb múftı Naýryzbaı qajy Taǵanuly tanystyrdy. Sóz basynda tóraǵa orynbasary keńesshiniń atqarǵan irgeli isterine toqtalyp, dinı basqarmanyń aldaǵy jumystaryna da belsendi aralasatynyna senim bildirdi.

Belgili dintanýshy ǵalym Baltabaı Ýajıtuly Mekejanov 1963 jyly Pavlodar oblysynda dúnıege kelgen.

Ál-Farabı atyndaǵy Qazaq Ulttyq ýnıversıtetiniń Shyǵystaný fakýltetiniń arab bólimin bitirgen. Ýnıversıtette oqı júrip, Úrdin Hashımıttik Koroldiginiń Aıman ýnıversıtetinde til ustartý is-tájirıbesinen ótken.

1990 - 95 j. Ál-Farabı atyndaǵy QazUÝ-diń Shyǵystaný fakýltetiniń arab kafedrasynda ustazdyq qyzmette bolǵan.

1995 j. «Ál-Farabı ǵylymı-zertteý ortalyǵynda» jetekshi maman retinde birneshe jyl ǵylymı-zertteý jumystarymen aınalysty.

2005 j. QMBD-nyń dinı ýaǵyz jáne oqý-aǵartý bólimshe referent qyzmetine aýysty.

2006 j. QMDB Bas múftıdiń jalpy máseleler boıynsha keńesshisi.

2007 - 2010 j. QMDB-nyń apparat basshysy bolyp, QMDB-nyń qajylyq isterin basqardy.

«Dinı Ekstremızmniń dúnıetanymdyq negizderi» atty taqyrypta ǵylymı-zertteý jumystaryn júrgizip keledi.