QMDB: Kezekten tys IH Quryltaı ótti (FOTO)

Búgin Elordada Qazaqstan musylmandarynyń kezekten tys IH Quryltaıy ótti.

Quryltaı jumysyna Aqparat jáne qoǵamdyq damý mınıstri Dáýren Abaev, Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly, burynǵy múftıler – Serikbaı qajy Oraz, Erjan qajy Malǵajyuly, naıb múftı Ershat qajy Aǵybaıuly, QMDB Tóralqa músheleri, Ǵulamalar keńesiniń músheleri, teolog-ǵalymdar, zııaly qaýym ókilderi, elimizdiń ár oblysynan kelgen 300 delegat qatysty.

Quryltaıda QMDB Jarǵysyna tolyqtyrýlar men ózgerister engizý máselesi talqylandy. Sonymen qatar, Dinı basqarmanyń qurylǵanyna 30 jyl tolýyna baılanysty júzege asyp jatqan 30 ıgi sharanyń jospary pysyqtaldy.

Quryltaı barysynda Serikbaı qajy Oraz Naýryzbaı qajy Taǵanulynyń kandıdatýrasyn usyndy. Elimizdiń ár oblysynan kelgen 300 delegat Serikbaı qajy Orazdyń usynysyn qoldap, biraýyzdan daýys berip, Naýryzbaı qajy Taǵanulyn Bas múftılikke saılady.