QMDB: Keńeıtilgen keńes ótti (FOTO)
Búgin Nur-Sultan qalasynda Bas múftı Serikbaı qajy Orazdyń tóraǵalyǵymen Qazaqstan musylmandary dinı basqarmasynyń keńeıtilgen keńesi ótti.
Alqaly májiliske QMDB tóraǵasynyń Birinshi orynbasary Naýryzbaı qajy Taǵanuly, QMDB tóraǵa orynbasary Baýyrjan qajy Ábdirashuly, QMDB Apparat basshysy Ǵylymbek Jádigeruly jáne bólim meńgerýshileri men mamandar qatysty.
Keńeste 2019 jyldyń 11 sáýirinde Elordada ótetin «Rýhanı Jibek joly. Islam jáne jastar: qazirgi zaman syn-qaterleri» atty halyqaralyq ǵylymı-dinı konferentsııasy jumys tobynyń esebi tyńdaldy. QMDB Halyqaralyq qatynas jáne protokol bóliminiń meńgerýshisi Ershat Ońǵarov konferentsııaǵa daıyndyq jumystary jaıly baıandady.
Osy kúni ótetin «Jastar jáne rýhanııat» atty forýmnyń daıyndyq sharalary jaıly QMDB Qoǵammen baılanys jáne nasıhat bóliminiń meńgerýshisi Altynbek Utyshanuly esep berdi.
Al QMDB Apparat basshysy Ǵylymbek Jádigeruly hattamalyq tapsyrmalardyń oryndalý barysy jaıly baıandady.
«Halyqaralyq konferentsııanyń daıyndyq jumystaryn naqtylap, sát saıyn pysyqtap otyrýdy tapsyramyn. Bul – aýqymdy joba. Sondyqtan, ony joǵary deńgeıde uıymdastyrýymyz tıis. Barlyq bólimniń mamandary bul sharaǵa belsendi túrde qatysyp, uıymdastyrý jumystaryna atsalyssyn», – dep atap ótti Serikbaı qajy Satybaldyuly.
Sonymen qatar, keńeıtilgen keńeste dintaný, teologııa jáne ıslamtaný mamandyqtary boıynsha kadrlardyń qajettilikterine taldaý júrgizý, meshitterde dinı suraqtarǵa oraı júıeli kezdesý sharalaryn uıymdastyrý, fatua.kz saıtynyń jumysyn jetildirý, halyqaralyq ıslam fıqh akademııasy keńesi, Eýrazııa pátýa keńesi jáne basqa da uıymdar tarapynan uıymdastyrylatyn ǵylymı-tájirıbelik is-sharalarǵa (konferentsııalar, otyrystar, dárister) belsendi túrde qatysý, sheteldik jáne kórshi elderdiń (Saýd Arabııasy, Malaızııa, Túrkııa, Ózbekstan, Qyrǵyzstan jáne t.b.) pátýa bólimderimen baılanysty arttyrý maqsatynda jumys kestesin jasaý, t.b. máseleler jan-jaqty talqylandy.
Májilis sońynda Bas múftı QMDB qyzmetkerlerine naqty tapsyrmalar berdi.
